काठमाडौँ। सर्वोच्च अदालतमै महिला प्रहरीमाथि कुटपिट भएको छ । कुटपिट गरेको आरोपमा रीता चौधरीलाई प्रहरीले पक्राउ गरेको छ ।
चौधरीले महिला प्रहरी जवान नन्दी खड्कालगायतलाई हातपात गरेको सर्वोच्च अदालतका सुरक्षा प्रमुख एसपी विनोद सिलवालले बताएका छन् ।
अदालतमा कर्मचारीमाथि अपशब्द प्रयोग गरेपछि प्रहरीले रोक्न खोज्दा चौधरीले प्रहरीमाथि उल्टै जाइलागेकी थिइन् ।
पक्राउ परेकी चौधरीलाई आवश्यक कारबाहीका लागि प्रहरी वृत्त सिंहदरबारमा पठाइएको प्रहरीले जनाएको छ ।