काठमाडौँ। नेपाल बार एसोसिएसनको अध्यक्षमा वरिष्ठ अधिवक्ता प्रा. डा. विजयप्रसाद मिश्र निर्वाचित भएका छन्। उनले निकटतम प्रतिस्पर्धी रमणकुमार श्रेष्ठलाई २ हजार ४३१ मतको अन्तरले पराजित गर्दै अध्यक्षमा निर्वाचिन भएका हुन् ।
निर्वाचन समितिका अनुसार, प्रा. डा. मिश्रले कुल ५ हजार ५२ मत प्राप्त गरेका छन्, जबकि रमणकुमार श्रेष्ठले २ हजार ६२१ मत ल्याए।
महासचिव पदमा वरिष्ठ अधिवक्ता केदार कोइराला विजयी भएका छन्। कोइरालाले श्रेष्ठ प्यानलका उम्मेदवार यज्ञमणि न्यौपानेलाई २ हजार ५०७ मतको अन्तरले हराएका छन्। कोइरालाले ४ हजार ८७४ मत प्राप्त गरे भने न्यौपानेले २ हजार ३६७ मत ल्याएका छन्।
२५ पदका लागि भएको निर्वाचनमा प्रा. डा. मिश्रको नेतृत्वमा रहेको प्यानलका सबै उम्मेदवार विजयी भएका छन् । औपचारिक परिणामको घोषणा बार कार्यालयमा केहीबेरमा हुने निर्वाचन समितिले जानकारी दिएको छ।
नेपाल बार एसोसिएसनको २०८१ सालको चैत्र २३ गते सम्पन्न कार्यसमितिको निर्वाचनमा ‘वृहद् लोकतान्त्रिक, प्रगतिशील, पेशागत, राष्ट्रवादी र समावेशी कानून व्यवसायी समूह’ का अध्यक्ष पदका उम्मेदवार प्रा. डा. विजयप्रसाद मिश्र र उनका २५ सदस्यीय प्यानलको चयन भएको हो।
निर्वाचित पदाधिकारीहरू:
अध्यक्ष: प्रा. डा. विजयप्रसाद मिश्र
कोशी प्रदेश उपाध्यक्ष: अधिवक्ता पदम प्रसाद लिम्बू
मधेश प्रदेश उपाध्यक्ष: अधिवक्ता अजय शंकर झा
वागमती प्रदेश उपाध्यक्ष: अधिवक्ता तेज बहादुर रावल
गण्डकी प्रदेश उपाध्यक्ष: अधिवक्ता भूपेन्द्र खनाल
लुम्बिनी प्रदेश उपाध्यक्ष: अधिवक्ता कृष्ण प्रसाद पोख्रेल
कर्णाली प्रदेश उपाध्यक्ष: अधिवक्ता विवसकुमार बस्नेत
सुदूरपश्चिम प्रदेश उपाध्यक्ष: अधिवक्ता सिद्ध राज ओझा
महिला उपाध्यक्ष (खुल्ला): अधिवक्ता सरस्वती श्रेष्ठ
महासचिव: व.अ. केदारप्रसाद कोइराला
कोषाध्यक्ष: व.अ. जगत बहादुर कार्की
दलित सदस्य: अधिवक्ता चिरञ्जिवी तिलक्यानी
मधेशी मुस्लिम (काठमाडौं उपत्यका बाहिर) सदस्य: अधिवक्ता सूर्यकुमार यादव
मधेशी मुस्लिम (खुल्ला) सदस्य: अधिवक्ता रिंकु कुमारी यादव
आदिवासी जनजाती (काठमाडौं उपत्यका बाहिर) सदस्य: व.अ. राजकुमार श्रेष्ठ
आदिवासी जनजाती (खुल्ला) सदस्य: अधिवक्ता मंगल सुन्दर शिल्पकार
महिला सदस्य (काठमाडौं उपत्यका बाहिर): अधिवक्ता इन्दिरा आचार्य
महिला सदस्य (खुल्ला): अधिवक्ता रंजिता कार्की
सदस्य (काठमाडौं उपत्यका बाहिर): अधिवक्ता किरण पौडेल
सदस्य (खुल्ला): अधिवक्ता किरण न्यौपाने, शारदा गुरूङ, दमन बहादुर चन्द, बाबुराम अर्याल, डा. मुकुन्द अधिकारी, माधव मैनाली
