काठमाडौं। काठमाडौं महानगरपालिकाको कृषि तथा पशुपन्छी विभागले इन्टर्नका लागि आवेदन आह्वान गरेको छ ।
महानगरपालिकाको स्वर्णिम योजना, एग्रो पुलिङ कार्यक्रमु मा महानगरपालिका क्षेत्रभित्रका कृषि भण्डारण, बिक्री स्थल, आयात, खपत लगायतको तथ्याङ्क सङ्कलन गर्नुपर्ने भएकोले १५ जना जनशक्ति आवश्यक रहेको बताएको हो ।
यसका लागि कृषि विषयमा स्नातक तह अध्ययनरत वा उत्तीर्ण हुनुपर्ने भनिएको छ । यस कार्यका लागि इच्छुकहरूलाई ७ दिनभित्र internship. kathmandu.gov.np बाट आवेदन दिनका लागि सूचित गरिएको छ।
अनलाइन फाराम भर्न कठिनाइ भए ९८१४३०००२८ मा सम्पर्क गर्न सकिनेछ । इन्टर्न विद्यार्थीले प्राप्त गर्ने सुविधा सम्झौता बमोजिम हुने महानगरको भनाई छ ।