मकवानपुर । जिल्ला प्रहरी कार्यालय मकवानपुरले ८ किलोग्राम अवैध सुनसहित पक्राउ परेका २ जनालाई सार्वजनिक गरेको छ । प्रहरीले शनिबार बिहान पत्रकार सम्मेलन गरि उनीहरुलाई सार्वजनिक गरेको हो ।
जिल्ला प्रहरी कार्यालय मकवानपुरका प्रहरी प्रमुख उपरीक्षक विश्वराज खड्काका अनुसार पक्राउ पर्नेमा भारतको महाराष्ट्र राज्य सांगली जिल्ला दिंघची थाना पुजरबाडीका २५ वर्षका अभिषेक अजिनाथ र २७ वर्षका राहुल भिट्टिहाल बाड रहेका छन् । उनीहरुलाई हेटौंडा १५ स्थित रातोमाटे प्रहरी चौकीबाट खोजतलासका क्रममा शनिबार बिहान ३ बजे ८ केजी २४३ ग्राम ९७० मिलिग्राम अवैध सुनसहित उनीहरुलाई पक्राउ गरिएको हो ।
प्रहरीले उनीहरु सवार वाग्मती प्रदेश- ०२-०४७ प ७५०३ नम्बरको स्कुटर समेत नियन्त्रणमा लिएको छ । प्रहरीले उनीहरूलाई पक्राउ गरेको हो । सुनको मूल्य करिब ११ करोड ४३ लाख ५७ हजार ८७८ रुपैयाँ रहेको प्रहरीले जनाएको छ ।