काठमाडौँ । काठमाडौँ महानगरपालिकाले पूर्वराजा ज्ञानेन्द्र शाहलाई ७ लाख ९३ हजार रुपैयाँ जरिवाना गर्ने निर्णय गरेको छ। तीनकुने क्षेत्रमा राजावादीहरूको प्रदर्शनका क्रममा वातावरण प्रदूषण, तोडफोड, र सार्वजनिक सम्पत्तिको क्षति भएको भन्दै महानगरले उक्त कारबाही गरेको हो।
शुक्रबार भएको प्रदर्शनमा सडक, फुटपाथ फोहोर पारिएको, दमकल तोडफोड गरिएको, रुखबिरुवा र रेलिङ भत्काइएको आरोपमा महानगरले पूर्वराजालाई आठवटा पत्र पठाएको छ।
प्रदर्शनका क्रममा भएको क्षतिको विवरण:
- कोटेश्वरको सडक तथा सडकपेटीमा जथाभावी फोहोर -१ लाख
- महादेवस्थानको सडक तथा सडकपेटीमा जथाभावी फोहोर-१ लाख
- तीनकुनेको सडक तथा सडकपेटीमा जथाभावी फोहोर-१ लाख
- जडीबुटीको सडक तथा सडकपेटीमा जथाभावी फोहोर-१ लाख
- बालकुमारीको सडक तथा सडकपेटीमा जथाभावी फोहोर- १ लाख
- सिनामंगलको सडक तथा सडकपेटीमा जथाभावी फोहोर-१ लाख
- दमकल तोडफोड-१ लाख ३० हजार
- तीनकुनेमा रुख, बिरुवा, रेलिङ तोडफोड-६३ हजार
महानगरले पूर्वराजालाई प्रदर्शनका कारण उत्पन्न फोहोरमैला र तोडफोडको क्षतिपूर्ति तिर्न निर्देशन दिएको छ।