बर्दिया । प्रहरीले शनिबार एकै दिन चारवटा बलात्कारको उजुरीको आधारमा चार जनालाई पक्राउ गरेको छ ।

बर्दिया जिल्लाको राजापुर नगरपालिका–८ की १५ वर्षीया किशोरीलाई बलात्कार गरेको आरोपमा सोही नपा–६ का करिब १५ वर्षीय किशोर पक्राउ परेका छन् । उनले किशोरीलाई ललाइफकाई नेपालगन्जस्थित आफ्नो दाजु नाता पर्नेको घरमा लगेर पटक-पटक बलात्कार गरेको उजुरीको आधारमा पक्राउ गरिएको जिल्ला प्रहरी कार्यालयका सूचना अधिकारी एवं डीएसपी तुलसीराम अर्यालले जनाए । उनका अनुसार किशोरमाथि अनुसन्धान भइरहेको छ ।