काठमाडौं । सर्वोच्च अदालतमा मुद्दाको चाङ लागेको छ । मुद्दाको संख्या अनुसार न्यायाधीश कम, पेशी तोकिएको मुद्दा हेर्न नमिल्ने र नभ्याइनेको संख्या धेरै भएका कारण मुद्दाको चाङ बढेको हो ।

आइतबार मात्रै सर्वोच्च अदालतमा ९ वटा इजलास बसेकोमा जम्मा २९७ वटा मुद्दा पेशी तोकिएको थियो । यसमध्ये जम्मा ४४ वटा मुद्दाको मात्रै फैसला भएका छन । आइतबारको पेशी तोकिएको कुल मुद्दामध्ये फैसला भएको मुद्दा संख्या करिब १५ प्रतिशत मात्रै हो ।

यसमध्ये हेर्न नभ्याइने १०४ र हेर्न नमिल्ने ९५ रहेका छन् । आइतबार सर्वोच्चमा बसेको ९ वटा इजलासमध्ये एउटै न्यायाधीशको १३० वटा मुद्दाको पेशी परेको छ ।

न्यायाधीश हरिप्रसाद फुयाल र कुमार चुडालको इजशालसमा परेको १३० वटा मुद्दामध्ये जम्मा ५ वटाको मात्रै फैसला भएको छ । यि मध्ये ४४ वटा हेर्न नभ्याइनेमा परेको थियो भने ८१ वटा मुद्दा हेर्न नमिल्नेमा परेको छ ।

आज सोमबारसमेत २०३ वटा मुद्दा साप्ताहिक पेशी सुचीमा चढेका छन ।

यस्ताे छ आइतबारकाे मुद्दाका पेशी सुची