काठमाडौँ । नुवाकोटको शिवपुरीमा एयर डाइनास्टीको हेलिकप्टर दुर्घटना हुँदा पाँच जनाको मृत्यु भएको छ । मृत्यु हुनेमा चार पुरुष र एक महिला रहेका छन् ।
नुवाकोटका प्रहरी उपरीक्षक शान्तिराज कोइरालाका अनुसार शिवपुरी गाउँपालिका शिवपुरी जङ्गलको सूर्य चौर क्षेत्रमा हेलिकप्टर दुर्घटना भएको हो ।
उक्त दुर्घटनामा हेलिकप्टरमा सवार पाँचै जनाको ज्यान गएको छ । क्याप्टेन अरुण मल्लले उडाएको हेलिकप्टरमा ४ जना चिनियाँ पर्यटक स्याफ्रुबेंसी लगिँदै थियो ।
दुर्घटनाको कारणबारे पत्ता लागेको छैन । तर प्रत्यक्षदर्शीका अनुसार हेलिकप्टर रुखमा ठोक्किएर आगो लाग्दै झरेको थियो ।