काठमाडौं । कञ्चनपुरको निर्मला पन्त हत्या प्रकरणमा आफू प्रत्यक्षदर्शी भएको भन्दै अन्तर्वार्ता दिएका गोरखाका नवराज अर्याललाई प्रहरीले पक्राउ गरेको छ । एक व्यक्ति पक्राउ परेका छन् । उनलाई केन्द्रीय अनुसन्धान ब्यूरो (सीआईबी) को टोलीले पक्राउ गरेको हो ।
आफूलाई उक्त घटनाको प्रत्यक्षदर्शी भएको बताउँदै अर्यालले प्राइम टेलिभिजनमा अन्तर्वाता दिएका थिए । अहिले उक्त भिडियो सामाजिक सञ्जालमा भाइरल भइरहेको छ । यसरी आफू्रलाई घटनाको प्रत्यक्षदर्शी भएको दावी गरेका अर्याललाई सिआइबीले मंगलबार सोधपुछ गरेर हाजिर जमानीमा छाडेको थियो ।
सीआईबीले थप अनुसन्धानका लागि बुधबार अर्याल दम्पती र र प्राइम टाइम टेलिभिजनका ‘जनता जान्न चाहन्छन’ का कार्यक्रम प्रस्तोता ऋषि धमलालाई पनि सोधपुछ गरेको छ ।
प्राइम टेलिभिजनमा पत्रकार ऋषि धमलालाई अन्तरवार्ता दिँदै उनले आफूले निर्मला पन्तलाई बलात्कार गरेको प्रत्यक्ष देखेको दाबी गरेका थिए । उनले उक्त घटनामा तीनजनाको संलग्नता रहेको र उनीहरुलाई आफूले चिन्ने दावी समेत गरेका थिए ।