काठमाडौं । पूर्वसभामुख तथा वरिष्ठ अधिवक्ता दमननाथ ढुंगानाको निधन भएको छ । काठमाण्डौंको पुरानोवानेश्वरमा रहेको फ्रन्टलाइन अस्पतालमा उपचारको क्रममा आइतबार दिउँसो उनको निधन भएको बताइएको छ ।
ढुंगाना नेपाली काँग्रेसबाट २०४८ को आमनिर्वाचन काठमाडौं क्षेत्र नम्बर २ बाट निर्वाचन जितेका थिए। त्यसपछि उनी सभामुख भएका थिए। वरिष्ठ अधिवक्ता, मानवअधिकारवादी रहेका ढुंगाना ०२८ सालमा नेपाल बार एसोसियसनको महासचिव थिए ।