काठमाडौं । काठमाडौंको बानेश्वरस्थित साई स्वागत सहकारी ठगी प्रकरणमा सहकारीका पूर्वअध्यक्ष भरत जंगम पक्राउ परेका छन् । उनलाई आइतबार जिल्ला प्रहरी परिसर काठमाडौंको टोलीले पक्राउ गरेको हो ।
सहकारीको रकम अपचलनबारे अनुसन्धानका लागी उनलाई नियन्त्रणमा लिइएको र उनीमाथि अनुसन्धान अघि बढाइएको प्रहरीले जनाएको छ । प्रहरीका अनुसार उनीमाथि अदालतबाट म्याद लिएर अनुसन्धान अघि बढाइने छ ।