काठमाडौं । प्रहरी हिरासतमा रहेका राष्ट्रिय स्वतन्त्र पार्टी (रास्वपा)का सभापति एवं पूर्वगृहमन्त्री रवि लामिछाने थुनुवा कक्षमा सुतिरहेको फोटो खिचेर सामाजिक सञ्जालबाट सार्वजनिक गर्ने डा. निकोलस भुसाल आइतबार पक्राउ परेका छन्। काठमाडौं उपत्यका अपराध अनुसन्धान कार्यालयको टोलीले थलीबाट उनलाई पक्राउ गरेको हो ।
गत शनिबार सहकारी ठगी, संगठीत अपराध एवं सम्पत्तिशुद्धीकरणको अभियोगमा प्रहरी हिरासतमा रहेका रास्वपाका सभापति एवं पूर्वगृहमन्त्री लामिछानेलाई भेट्न पुगेका भुसालले उक्त फोटो आफूले प्रहरीको सीसीटीभीबाट खिचेको स्वीकार गरिसकेका छन् । सामाजिक सञ्जालमा फोटो भाइरल भएपछि उनले उक्त फोटो हटाएका थिए ।
अपराध अनुसन्धान कार्यालयका अनुसार थप अनुसन्धानका लागि भुसाललाई सोमबार पोखरा पठाउने तयारी गरिएको छ ।