काठमाडौं । प्रहरीले एक युवकमाथि कुटपिट गर्दै गरेको भिडियो सामाजिक सञ्जालमा भाइरल बनेपछि उक्त घटनामा संलग्न प्रहरी निलम्बनमा परेका छन्।
गत पुस १५ गते चितवनको भरतपुर महानगरपालिका११ तीनखोले गुम्बानजिकै बाइपास रोडमा सवारी जाँचका क्रममा असई बुद्धिबहादुर भुजेलले एक युवकमाथि निर्घात कुटपिट गरेका थिए ।
उक्त भिडियो सार्वजनिक भएसँगै घटनामा संलग्न असई भुजेललाई निलम्बन गरिएको जिल्ला प्रहरी कार्यालय चितवनले जनाएको छ ।
अस्थायी प्रहरी बिट गणेशधाममा कार्यरत असई भुजेलले सर्वसाधरण माथि कुटपिट गरेको भिडियो केही दिन देहिख सामाजिक सञ्जालमा भाइरल बनेपछि प्रहरीले यस सम्बन्धमा डिएसपी ज्ञानकुमार महतोको संयोजकत्वमा आज पाँच सदस्यीय छानबिन समिति बनाएर अनुसन्धान थालेको छ । समितिले घटनाबारे छानबिन गरिरहेको प्रहरी कार्यालयले जनाएको छ ।
