काठमाडौं । काठमाडौं जिल्ला अदालत मेलम्ची खानेपानीको पाइप फुटी अदालतको दोस्रो भवनमा पानी पसेपछि भवनको भुइँतल्लामा रहेका इजलास नं. २६, २७, २८ र २९ मा क्षति पुगेको यी इजलासबाट हुने मुद्दासम्बन्धी सेवा अर्को सूचना प्रकाशित नभएसम्मका लागि स्थगित गरेको छ।
अदालतले आज एक सूचना प्रकाशित गर्दै इजलास नं. २६ न्यायाधीश ध्रुवराज कार्की र इजलास नं. २७ न्यायाधीश श्यामविहारी मौर्यका इजलासमा रहेका मुद्दाहरू पहिलो भवनको इजलास नं. ४ र ५ बाट सञ्चालनमा आउने जनाएको छ ।
