काठमाडौं । काठमाडौं जिल्ला अदालतले सूचीकृत मेलमिलापकर्ताहरूलाई तोकिएको अवधिभित्र प्रतिवेदन बुझाउन विशेष आग्रह गरेको छ। अदालतले मेलमिलाप प्रक्रियामा संलग्न मेलमिलापकर्ताहरूलाई आवश्यक छानबिनका लागि पठाइएका मुद्दाहरूको प्रगति विवरण समयमै उपलब्ध गराउन निर्देशन दिएको हो।
अदालतले जारी गरेको सूचनामा मेलमिलाप केन्द्रमा पठाइएका मुद्दाहरूको टुंगो लगाउनका लागि तोकिएको समय सीमित भएकाले सूचीकृत सबै मेलमिलापकर्ताहरूले सो अनुरोधलाई गम्भीरतापूर्वक लिनुपर्ने उल्लेख गरिएको छ। सूचनामा भनिएको छ, “सूचना प्राप्त भएको मितिले ७ दिनभित्र सम्बन्धित प्रतिवेदन अदालतमा पेश गर्न अत्यावश्यक छ।”
यसअन्तर्गत मेलमिलाप प्रक्रियामा रहेका मुद्दाहरूको समयमै टुंगो लगाउने तथा आवश्यक कागजातहरू अदालतसमक्ष बुझाउने दायित्व मेलमिलापकहरूकै रहेको हुँदा तोकिएको समयभित्र सबैले आफ्नो जिम्मेवारी पूरा गर्नुपर्ने अदालतको स्पष्ट निर्देशन छ।
अदालतले मेलमिलापकर्ताहरूलाई तोकिएको समयभन्दा बढी अवधि व्यतीत हुन नदिई प्रतिवेदन बुझाउन पुनः स्मरण गराएको छ। अन्यथा, समयसीमा नाघेमा आवश्यक थप प्रक्रिया अगाडि बढाइने जनाइएको छ।
