अरुलाई नैतिकताको पाठ सिकाउनेले आफु पनि नैतिकवान हुनु पर्छ । अझ संविधानले उच्च नैतिक चरित्रको विषयमा वकालत गरेको पाइन्छ । तर, युवा पिढिको एकजना युवा छोटो समयमा वाहवाहि पाउँछ सोसँगै सबै कुरा क्षणभरमा नामेट भइदिन्छ ।
अमेरिकन पासपोर्ट र नेपाली नागरिकता साथै लिई नेपाल फर्किएका रवि लामिछानेले यहाँँ जनतासँग प्रधानमन्त्री कार्यक्रम चलाए । जसबाट उनले निकै चर्चा कमाए । त्यहि चर्चाबाट लोभिएर उनले लामोसमयसम्म मिडियामा काम गरे । पछिल्लो समय मिडिया छाडेर राजनीतिमा हामफालेका रवि अहिले नेपाली राजनीतिमा रहेका युवाहरू मध्ये बदनाम नामका रुपमा चिनिन पुगेका छन्। खास आँशु त शालिकरामको अहिलेपनि सुकेको छैनन् होला । सो समयमा चितवनमा रवि लामिछानेको पक्षमा जनमत निकै ठुलो देखिएको थियो । त्यसैको प्रभावले होला रविले निर्वाचन क्षेत्र पनि चितवनलाई नै चुनेका हुन सक्छन् । शालिकराम पुडासैनीको मुद्दामा रवि विवादीत भएको पहिलो घटना थियो । उक्त मुद्दामा लामिछानेले सफाइ पाएका थिए ।
रवि लामिछानेको ललितपुर टिकाथलीको एक घरमा भुतले ढुँगा हान्छ भन्ने रिपोर्टिङ खुबै चर्चा पाएको थियो । पछि त्यो रिपोर्टिङ नक्कली हो भन्ने पनि बाहिर आएको थियो । चर्चामा आउन अरुप्रति कडा रुपमा प्रस्तुत हुन्थे लामिछाने । उनको यही बानीको कारणले पनि होला उनले राम्रै चर्चा कमाए । चर्चा मात्र कमाएनन एक हिसाबले जनताको मन जित्न सफल नै भए । उनी कति राम्रा र असल हुन भन्ने उनका निकटस्थहरूले बताएपनि उनीसँग जनमत भएकै कारण कसैले खुलेरै भन्न सक्ने हिम्मत गर्न सकेका थिएनन् ।
अचानक पार्टी घोषण भएपछि अब युवा क्रान्ति देशमा आउँछ भनेर मेरा मनका कुण्ठाले पनि हौसिँदै रवि लामिछानेलाई सहयोग गर्नु पर्छ जस्तो लागेर सामाजिक सञ्जाल फेसबुकबाट मैले पनि रवि लामिछानेको पार्टीलाई पाँच हजारको सहयोग घोषणा गरे । समय क्रमसँगै नागरिकता ऐनको विवाद सर्वोच्च अदालतमा पुग्यो । जबकी सर्वोच्च अदालतमा मुद्दा दायर गर्ने अधिकार उनकै प्रतिद्वन्द्वीको हुँदाहुँदै तेश्रो पक्षले मुद्दा दायर गरेपछि खैलाबैला मच्चियो । अदालतले पनि पुनः प्रक्रिया पुरा गरेर नागरिकता लिनु पर्ने गरि फैसला गरेपछि रवि लामिछानेले नागरिकता लिए । त्यसपछि जितेकै जिल्लाको निर्वाचन क्षेत्र नम्बरबाट पुनः निर्वाचनमा भाग लिए र पुनः जित्न सफल भए । सो क्रममा रवि लामिछानेको ड्राइभर छतबाट खसेर मृत्यु भइसकेको हुन्छ । मृत्यु शङ्कास्पद रहन्छ । सबैका धेरै मत मतान्तरका बीचमा यो यसै सेलाउँछ । आफूले जितेको क्षेत्रमा रवि लामिछानेले गएर पानीको लागि खुब हौसला पनि देखाए तर आजकल सो क्षेत्रमा गएको देख्न सुन्न पाइदैन । सवारि चालकको हत्या र सर्वोच्च अदालतले रवि लामिछानेको संसद पद खारेज गरेपछि धेरै कुरा सतहमा आउँदै गयो । यहिँ देखि रवि लामिछानेको ओरालो यात्रा शुरु भएको पाइन्छ । ओरालो यात्रा यति मात्र होइन उनले विदेशमा रहेका नेपालीलाई नेपालमा बोलाउने घोषणा गरे तर सो घोषणा विरुद्ध समेत बोल्ने कारणले पनि रवि प्रतिको मेरो समेत विश्वसनीयता खस्कदै गएको हो ।
रवि लामिछाने पुनः निर्वाचित भएपछि पुनः निजको पासपोर्ट विवाद अदालतमा पुग्दै गर्दा महान्यायाधीवक्ताको कार्यालयले तगारो लगाएपछि सो उपर सर्वोच्च अदालतमा मुद्दा दायर हुन्छ र विचाराधीन अवस्थामा रहेको छ । तर, सुर्यदर्शन सहकारीमा उजुरी परेको विषयमा न्यायाधीशको फरक मत सहितको फैसला पढ्न पाइन्छ् । रवि लामिछानेले ग्यालक्सी फोर के टि.भी. खोल्नु भयो । कान्तिपुर टिभिका राम्रो पत्रकारहरुलाई आकर्षक तलब दिएर राखेपछि यता कान्तिपुर पनि चिढिएको पक्कै बुझ्न सकिन्छ । गोर्खा मिडिया प्रा.ली.को सेयर नामसारी गरेको भनेर प्रेस कन्फ्रेन्स पनि गरियो । तर, उक्त प्रेस कन्फ्रेन्सले तब धोती खुस्काइदियो जब ग्लोबल आइएमई बैंकले सेयर बेचे वापतको रकम नै खरिदकर्ताको खातामा नगएको चेक बाउन्स भएको पत्र सार्वजनिक गर्यो । सो पछि हामी सचेत नागरिकलाई यस्तो लाग्यो कि रवि लामिछाने झुठो कुरा मात्र गर्छन् । यीनी राजनीतिमा आएर पनि गर्न सक्ने केहि रहेनछ । यीनले गर्ने भनेको गफ मात्र रहेछ भन्ने कुरा दोश्रो कार्यकालबाट समेत प्रष्टै भइसकेको छ । अहिले आएर सहकारी ठगी काण्ड त सतहैमा नै आएर संसदको प्रतिवेदन समेत बाहिरिएको छ । यस सन्दर्भमा यसरि प्रष्ट हुन सकिन्छ ।
गोर्खा मिडियाको सेयरको हैसियत
पहिलो कुरा गरौ गोर्खा मिडियामा रवि लामिछानेको भूमिका र संचालनको विषयमा कुरा गर्दा उक्त कम्पनीमा ३ जना साझेदार रहेको कुरा बाहिर आएको छ । रवि लामिछानेले आफ्नो नामको सेयर हस्तान्तरण गर्दा कीर्ते कागजातका आधारमा गरेको कुरा उनकै प्रेस कन्फ्रेन्सबाट थाहा पाउन सकिन्छ । संसदको प्रतिवेदनले समेत गोरखा मिडिया नेटवर्क प्रा.लि. लगायतमा कम्पनीहरूमा सेयर खरिद बिक्री गर्दा कानुनबमोजिम पेस हुने भुक्तानीका साधन र उपकरणहरू पूर्ण नभई किर्ते कागजकै आधारमा खरिद बिक्री भएको पाइएको हुँदा भुक्तानी प्रक्रिया पूर्ण भएको यकिन गरी र सो बमोजिमको करसमेत तिर्ने सम्बन्धमा बाध्यकारी प्रबन्ध गर्न र श्वेट सेयरसम्बन्धी कानुनी प्रबन्धबारे अध्ययन गरी आवश्यक र उपयुक्त प्रबन्ध गर्न सम्बद्ध निकायको ध्यानाकर्षण गराउन नेपाल सरकारलाई सिफारिस गर्ने’ भनि सिफारिस गरेको अवस्था छ । यस सम्बन्धमा मिति २०८०।१०।२३ मा दर्ता नं. ३७३२ को उजुरी कम्पनी रजिष्ट्रारको कार्यालयमा रवि लामिछानेका विरुद्धमा परेपनि हालसम्म उक्त उजुरीमा के कारवाहि भएको हो हालसम्म पनि बाहिर आएको छैन् । तर, सेयर नामसारी भएको विषय चेक बाउन्स भएको भन्ने कुरा बाहिर आएपछि पनि त्यसमा सम्बन्धित कार्यालयले उदासीन भएर बसेको अवस्था छ ।
कम्पनी ऐन २०६३ को दफा १६० को देहाय क अनुसार उक्त सेयर नामसारीको कारोबार फर्जि रहेको भन्ने कुरा उक्त बैंकको पत्रले देखाइरहेको अवस्था छ । उक्त उजुरीमा कारवाहि गर्ने हो भने पनि रवि लामिछाने सजायका भागिदार रहेका छन् । तर, सानालाइ ऐन ठूलालाई चैन भनेर टिभिमा लामालामा भाषण छाँटेका तिनै रवि लामिछानेलाई संसदको प्रतिवेदनले कारवाहि गर्ने गरि प्रतिवेदन दिँदा समग्र पार्टि पक्तीमा हर्षोल्लासको माहौल छँदै छ । उक्त कीर्ते जालसाज कागजातका आधारमा गरिएको कारोबार बदर गर्ने हो भनेपनि रवि लामिछाने गोर्खा मिडियाबाट गएका छैनन् । त्यसमा पनि कम्पनी कानून बमोजिम सेयर नामसारी हुनुपुर्वको दायीत्व तत्कालिन संचालकको नै हुने हो ।
सुर्यदर्शन सहकारीको रकम अपचलनमा रवि लामिछाने कतिको दोषी छन्
पहिलो सहकारी ऐनको सिद्धान्त नै हो आफ्नो सदस्य बाहेक अरुलाई ऋण प्रवाह गर्नै मिल्दैन । जिबि राई र गोर्खा मिडिया भनेको नितान्त फरक व्यक्ति हुन् । सुर्यदर्शन सहकारीबाट ऋण लिनको लागि उक्त सहकारीको सदस्य गोर्खा मिडिया भएको हुनु पर्छ । त्यसमा पनि कास्कीको सुर्यदर्शन सहकारीले काठमाडौमा रहेको गोर्खा मिडिया कम्पनीमा रकम लगानी गर्नै सक्दैन । सहकारीको क्षेत्राधिकार भनेको दर्ता गरेको ठाउँ भन्दा फरक हुन सक्दैन । गोर्खा मिडियाको कम्पनीको ऋण सहकारी आएको देखाउन नमिल्ने भएपछि सो रकमको श्रोत बैध हुन सक्दैन । यसरी अबैधसम्पत्तिको हस्तान्तरण सम्पत्ति शुद्दिकरणको विषय पनि हुन जान्छ । सम्पत्ति शुद्दिकरणमा पनि गोर्खा मिडिया तथा सहकारी संचालकहरुलाई सम्पत्ति शुद्दिकरण वापत पनि मुद्दा चलाउन सक्ने सरकारसँग अधिकार रहेको छ । छिपछिपे सहकारीमा पनि यसै गरि रकम हिनामिना भएको र राप्रपाको संसद फरार सूचीमा रहेको समाचार पनि पढ्न पाइएको छ ।
त्यस्तै सहकारीको रकम हिनामिना गरेका कारण रवि लामिछाने सो तर्फ त फस्ने नै गरि संसदले पनि कारवाहि सिफारिस गरिसकेको छ । संसदको छानविन समिति देशकै सबैभन्दा उच्चस्तरीय समिति भएको र यसको प्रतिवेदन कार्यान्वयन नभई थन्किने भन्ने प्रश्न नआउला । यो भन्दा अर्कौ ठूलो समिति हुँदैन । जब संसदले छानविन गर भनिसकेपछि संसदीय सर्वोच्चताको वकालत गर्ने हाम्रो देशमा कारवाहि गर्ने बाटो केलाई रोकियो । रवि लामिछाने निर्दोष हुन वा दोषी हुन् भन्ने कुरा अदालतले निर्णय गरि नै हाल्ने विषय हो । तर, आफैले आफुलाई सफाई दिएर जग हसाई गर्नु मनको लड्डु ध्यूसँग खाने भन्ने उखान रवि लामिछानेको हकमा पनि चरितार्थ हुन्छ । हाम्रोमा समिति बनाएर विवाद समाधान गर्ने प्रचलन रहेको छ । रवि लामिछानेको हकमा पनि यस्तो हुनुहुँदैन । किनभने अरु हामी ठग हौं, हामी बदमासी पनि गर्दछौं । हामीमा राजनीति गरेको योग्यता छ भनेका आधारमा अहिलेसम्म जित्दै आएका छन् भने रवि लामिछाने इमान्दारको राजनीति गरेर आएको हुँ, म बेदाग छु म जनतालाइ धोका हुने काम गरेको छैन र गर्दिन भनेर राजनीतिमा आई बदमासीका पत्रहरु पनि खुल्दै आएको हुँदा यी बढि दोषी हुन । त्यसकारण कारवाहि पहिला यीनैलाई हुनु पर्छ ।
अमेरिकन पासपोर्ट हुँदाहुँदै नेपाली पासपोर्ट प्रयोग गर्न नपाउने कानून हामीसमक्ष रहेको छ । रवि लामिछानेले दुवै प्रयोग गरेर टिभिमा कार्यक्रम चलाउँदै आएको अवस्थामा पनि रवि लामिछानेसँग अमेरिकन पासपोर्ट पनि रहेको र नेपाली पासपोर्ट पनि रहेको कुरा विभिन्न छापामा पढ्न पाइन्छ । अरुलाई नैतिकताको पाठ सिकाउनेले आफु पनि नैतिकवान हुनु पर्छ । अझ संविधानले उच्च नैतिक चरित्रको विषयमा वकालत गरेको पाइन्छ । तर, युवा पिढिको एकजना युवा छोटो समयमा वाहवाहि पाउँछ सोसँगै सबै कुरा क्षणभरमा नामेट भइदिन्छ । अहिले पनि रवि लामिछानेको स्याल हुईया बजार भरी हल्ला चलिरहेको छ भने पछि गएर ठिक हो भनेर सम्झिने र अहिले रवि लामिछानेलाई अन्धभई सहयोग गर्नेको जमात देख्दा भने दया लागेर आउँछ । एकैसमय दुईवटा देशका पासपोर्ट बोक्न पाइदैन । जुन कानून बमोजिम अपराध हो । रवि लामिछोनसँग पावर छ । जे पनि गर्न सक्ने क्षमता उनमा नरहेको पनि होइन । तर, विडम्बना जनताको जनमत घट्दै गइरहेको मेरो बुझाई हो ।
गठनदेखि नै मेरो पनि राष्ट्रिय स्वतन्त्र पार्टीलाई मेरो पनि समर्थन थियो । म पनि भ्रममा रहेकै कारण पाँच हजार रकम चन्दा दिने घोषणा फेसबुकबाट नै गरेको थिए ।